Wohlgemuth Hjónin farin heim

Kæru vinir,
Mig tekur það sárt að tilkynna ykkur að Öldungur Wohlgemuth fékk hjartaáfall á Akureyri um helgina.Í samráði við trúboðsforseta og lækna Kirkjunnar í London og Salt Lake City var ákveðið að Wohlgemuth hjónin færu heim með fyrstu flugvél. Þau yfirgáfu landið nú í morgun og munu vera komin heim í fyrramálið að okkar tíma.
Wohlgemuth hjónin hafa gert mjög margt gott fyrir kirkjuna í þau 2 ár sem þau hafa verið hér, má þar nefna uppbyggingu bókasafns, tiltekt í allri sagnaritun, mynda og myndbanda safni kirkjunnar, vinna við að koma öllum vonarstjörnum og Líahona blöðum á tölvutækt form, þjónusta í greinarráði, stuðningur við allt söngstarf greinarinnar, og svo margt margt fleirra.
Þeirra verður sárt saknað.
Kær kveðjaÓlafur Einarsson greinarforseti